عدد المساهمات : 954 السٌّمعَة : 0 تاريخ التسجيل : 07/05/2013 العمر : 44 الموقع : فاكيها
موضوع: ============== == بسكويت القرفة == ============== الجمعة أغسطس 02, 2013 12:26 am
============== == بسكويت القرفة == ==============
من كام يوم عملت بسكويت القرفة والمقادير اخذتها عن Doudy Elmarakby بعد تزكيه Remo Salah .. بصراحه .. ربنا يسعدك يادودي دنيا واخره وربنا يكرمك ياريمو انتي بجد ذوااااقه . .
البسكويت طلع تحفه .. كأنه بيتي فور وناعم جدا وبيذوب في الفم ومش بيتفتت .. العيال ماشاء الله انهبلوا عليه وميار متوصتش .. حلو لوحده او مع الشاي .. المقادير اخذتها من دودي والطريقة مجمعه من الطرق العامه لعمل البسكويت . .
المقادير : ====== .4.5 كوب دقيق
1.5كوب سمن او زبد
1 كوب سكر
2 بيضة
فانيليا
2 ملعقة صغيرة بكينج بودر
2 ملعقة كبيرة قرفة
ّذرة ملح .
انا عملت نصف المقدار وطلع لي صاجين زي الي في الصورة . .
الطريقة : ========
- ينخل الدقيق مع البيكنج بودر والقرفه وذرة الملح ( الي هي بتكون ربع ملعقة صغيره ملح مش حبه ولا حبتين ).
- المفروض في اي بسكويت يكون السكر بودره .. انا كيلت كوب وطحنته بس مش عارفه لو هاخذه بودره من البدايه هيطلع كوب برضه ولا اقل شويه . . المهم هناخذ السكر البودره مع الزبده ونضربهم لما يختفي السكر تماما .. الزبده المستخدمه بالمناسبة هي الزبده الصفراء العاديه مش البلدي . .
- نضيف الدقيق ونقلب حتى نحصل على عجينة لينة .. لاحظي متعجنيش كتير عشان ميبقاش البسكويت ناشف او مكتوم . .
- حطي العجينة في الثلاجه ترتاح عشر دقائق خاصه لو الجو حار ..
- افرديها على طاولة مابين طبقتين من المشمع .. ممكن تفرديها على طاولة مرشوشه بالدقيق بس ده هخلي البسكويت انشف شويه خاصه لما تعيدي جمع الفضلات المتكونه من بعد التقطيع وتشكليها تاني هتطلع مش بنفس جوده اول مجموعه .. باستخدام المشمع هيطلع كله زي بعضه هش وخفيف وسطحه املس . .
- باستخدام النشابه افردي من وسط العجينة للاطراف .. كرري من كل الاتجاهات لغايه ماتنفرد معاكي لسماكه 4 ملم تقريبا ( السمك ده ممتاز في الناتج النهائي ) .. لاحظي متفرديش رايح جاء على العجينة من اولها لاخرها وانما بخفه من المنتصف للاطراف وكرري . .
- قطعيها بالقطاعه اي شكل انتي عوزاه .. استخدمت نوعين من التقطيع . .باستخدام قطاعات شكل ورود وقلوب وباستدام الرول قطعت مستطيلات وخرمتها بالشوكه ( دي عجبت بنتي اوي لانها طلعت زي البسكويت الجاهز ) .. القلوب عملت منها نوعين نوع قلب فقط ونوع مفرغ من المنتصف بقلب اصغر منه . .
- حطيتها على ورق زبده عشان تستوي بشكل افضل .. عموما لو معندكيش حطيها في قالب غير مدهون عادي لان فيها زبده كتير فمش هتلزق . .
- اخبزيها في فرن متوسط حوالي 170 في الرف الاوسط للفرن لما تحسي القاع لونه بدأ يحمر مش يسود او يغمق وفي نفس الوقت مش مهم ابدا الوش لونه يتغير لانه مفروض ميتغيرش .. متستخدميش الشوايه . . بتاخذ من عشره الى 15 دقيقه بس انا محسبتش لاني بعرف انها نضجت من الرائحه .. اول ماتلاقي رائحه القرفة والمخبوزات ملأت المطبخ اعرفي انها استوت طلعيها على طول . .
- مهم جدا انك متحركيهاش من الصاج اول ماتطلع من الفرن . .سيبيه لما يبرد بعدين انقليها باحتراس في مكان مستوي ومتكونش فوق بعضها والا هتلتوي البسكويتات . . ده احد فوائد استخدام ورق الزبده انها بعد ماتبرد شويه ممكن تشيلي فرخ الورق كله بالي عليه بهدوء وتحطيه على طاولة يبرد براحته وتستخدمي الصاج لخبز كمية اخرى خاصه لو بتعملي كتير . .
- بعد ماتبرد خالص بنرش القلوب المجوفه بالسكر البودره وندهن القلوب المسمطه بالمربى من الجهة الي بتكون محمره ( استخدمت مشمش دي الي كانت عندي طلعت تحفه .. لو عوزه قلوب حمراء حطي فراوله او كريز ) .. بنلزق القلبين ببعض ..
- قدميه لوحده او مع الشاي انا قدمته مع السحلب السخن في الجو البررررد الي عايشين فيه اليومين دول بس كان ايه .. مقلكمش .. جربوه واكيد ..
موضوع: ============== == بسكويت القرفة == ============== 
