معجنات روســية هتاخدك فوق السحاااب ونوع تانى هيعجبك بامر الله

وصفة اد ايه رهيييييبة وهشة زى لقمة القاضى كدة
كلتها مرة من برة واتجننت عليها وفضلت ادور على الوصفة شهور لغاية ما عرفتها
وقلت لازم تجربوها معايا


[/s[size=24]ize]المكونات
2 كوب حليب دافى
4 كوب دقيق + 8 معالق كبار مليانين دقيق
2 بيضة
معلقتين كبار كريمة او زبادى
معلقتين كبار زيت "بس انا استعملت زبدة"
معلقة كبيرة خميرة
معلقة ونص صغيرة ملح
نص معلقة صغيرة سكر

الطريقة
العجينة هتكون على مرحلتين زى فكرة عجينة العشر دقايق كدة

اولا نخلط كوب لبن دافى مع ربع معلقة صغيرة ملح ونص معلقة سكر والخميرة ونضيفلهم الـ 8 معالق دقيق
ونخلطهم كويس ونغطيهم ونسيبهم يخمروا




بعدين ضيفت الزبدة على باقى اللبن الدافى تسيح
نخلت عليهم نص مقدار الدقيق مع باقى مقدار الملح
ضيفت عليه البيض والكريمة واللبن وضربت بالمضرب الكهربائي
وضيفت عليهم الجزء الاول من العجينة بعد ما خمرت وارتفعت وضربت تانى
بعدين ضيفت بقيت الدقيق وعجنت لحد ما اتجانست
عجنتها كويس وكانت سايبة شوية زى ما انتم شايفين بتلزق فى اليد





[size=24]
غطيتها وسيبتها تخمر فى مكان دافى حوالى ساعة
المفروض ان حجمها يتضاعف
******

فى نفس الوقت بتاع التخمير بجهز الحشوات
انا اخترت حشوتين روسية مشهورة بيها النوع ده من المعجنات

1- بطاطس بالبصل
سلقت بطاطس وقطعتها شرايح -حبتين بطاطس متوسطين-
وحمرت بصلة متقطعة مكعبات لحد ما احمرت واتكرملت
ضيفت عليها البطاطس لحد ما اندمجت وسيبتها دقيقتين عشان الطعم يتغلغل فيها





يمكن تكون فكرة غريبة اننا نحشى معجنات بالبطاطس
لكن دى فعلا تستحق انها تتجرب وباذن الله هتعجبك اكتر من اى حاجة
********

2- البيض بالجبنة
سلقت البيض وقطعته وتبلته بالملح والفلفل الاسود وقطعت عليه دبنة موتزريللا






قسمت العجينة كور
رشيت الرخامة بالدقيق وفردت عليه العجينة
حشيت
وقفلت
بططتها شوية عشان تتساوى


وقليتها فى زيت غزير على نار متوسطة
ولازم غزير عشان تستوى كويس







لما خرجتها على ورق نشاف رشيت ملح خفيف

انا عارفة انتى بتفكرى فى ايه

مقلــــــية فى الزيـــــت

بس والله والله والله كل اللى اكل منها ماصدقش انها مقليه
وسمعت التعليق ده من جوزى وزوزو جاد فتوكتى الانتيييم الغالية

قالولى الاتنين مش ممكن .. مش شاربة زيت ولا كأنها لمسته حتى
وهشششششة جدا زى لقمة القاضى هوااااااا ماشاء الله تجنن