في الحقيقة أنا مش بازرعه بالمعنى المكتوب بس اللي حصل اني قريت هنا في المنتدى عن حفظ الخضرة و الجرجير في التلاجة من غير ما تبوظ لفترة كبيرة ..........
ناس بتحفظها في ورق جرايد و طبعا ده مضر بسبب الرصاص اللي جوة الورق و ناس بتلفه في أكياس بلاستيك و ده بيخلي الخضرة تبوظ بسرعة
و ناس بتحطهم في اكياس ورق لكن برده مش حل قوي
و في واحدة هنا قالت ان الست اللي بتبيع الجاجة دي بتغطيهم بقماشة مبلولة علشان يفضلوا طازة مدة كبيرة علشان لما تبيعهم
انا بقى فكرت ليه ما اعملش كيس قماش للخضرة و الجرجير
فجبت 2 كيس ابيض دبلان ماما كانت ناوية تعملها خددية و كل ما نجيب جرجير او خضرة اغسلها اول ما تيجي كويس و احطها في الكيس بعد دقيقة من التصفية و ادخلها التلاجة في الرف الاول ............ و الله يا بنات بتطلع الحاجة مرعرعة جميييييييييييييلة
المفاجأة بقى بالنسبة لي لما جوزي امبارح جاب 10 ربطات جرجير بس و الله لما جابهم جابهم دبلانين ورقهم ملفوف على بعض فقلت انا ارميم بقى ده ما يتاكلش لكنه اصر انه هوة اللي هياكله ........ فرزت الورق و غسلته كالعادة و حطيته في الكيس بتاعه انهاردة و لقيت انهاردة حاجة غريبة الورق مفرد اخضر مرعرع كأنه مطلعاه من أرضه دلوقتي لا ده أجمل من أرضه
الفكرة دي بتخلي عندي الخضرة و الجرجير حوالي اسبوعين بس في الرف الاول في التلاجة ... و كمان باطلع منه جاهز مش محتاج غسيل لاني غاسلاه
من فرحة المفاجأة خلتني اكتب الموضوع ده بس يا رب تستفيدوا منه حاجة
موضوع: عايزة تزرعي الجرجير جوة التلاجة ......تعالي أقولك 