Admin
مديره الموقع
عدد المساهمات : 954
السٌّمعَة : 0
تاريخ التسجيل : 07/05/2013
العمر : 44
الموقع : فاكيها
 |  موضوع: فكره حلوة قوى لرمضان ولطول العام  الجمعة أغسطس 16, 2013 2:01 am | |
| لسلام عليكم
اللهم صل وسلم وبارك على سيدنا محمد وارزقنا جواره
كل سنه وانتو طيبين يا فتوكات
جايه النهارده ومعايه فكره حلوة كلكو عرفينها وفى منكم ميعرفهاش
قولت اجى افكركم بيها عشان نعملها لرمضان ولكل الايام
موافقةموافقة
الفررررررررررررررررررررراخ
http://t3.gstatic.com/images?q=tbn:A...YAY5Dgje3ET3g0
كلنا بنحب الفراخ وعلطول فى البيت ومنها اكلات كتير قوى
ايه الجديد؟
الجديد بالنسبالى وحبيت اشاركم فيه وتجربوه معايا انى بجيب الفراخ صحيحه من عند الفرارجى
واروح البيت اقطعهم واغسلهم وانضفهم بالملح والليمون وابدا المعركه ههههههههههههه
اول حاجه بخلى صدر فرخه واعمله بانيه
ودى طريقتى
يتبل بالبصل والملح والفلفل والحبهان ويترك فى الثلاجه ساعتين
ثم يخرج على البيضه ومنها للبقسماط وارصه فى صينيه واحطه فى الفريزر لحد ما يتجمد واجمعه فى كيس واحد فى الفريزر لحد اليوم المنشود فى قايمه الطعام
يوم البانيه والمكرونه والسلطه بخرج البانيه من الفريزر على الطاسه وزى الجاهز واحسن والله
زى كده
فكره حلوة قوى لرمضان ولطول العام
والدبابيس بتاعت الوراك بشيل الجلد بتاعها خالص وبرميه اصلا مش بحب جلد الفراخ المهم
ننقع الدبابيس فى ثوم وخل وزبادى وبصل وملح وفلفل ونسيبهم فى الثلاجه ساعتين او اكتر
وبعدين نخرجهم ونحطهم فى طبق الدقيق المتبل بالملح والفلفل ثم معجون الصلصه المتبله بالبصل والثوم البودره وفى الاخر خالص بقسماط متبل وبرده زى البانيه احطهم فى صينيه مفردين فى الفريزر لحد ما يجمدو ويتلمو تانى فى كيس على قد الوجبه
وبرده يطلع من الفريزر على زيت حار نار ياخد الصدمه واللون بتاعه ونهدى النار لمده خمس او عشر دقايق ويطلع على ورق المطبخ ويتقدم مع سلطه زبادى واااااااااااااااااااو ومكرونه
فكره حلوة قوى لرمضان ولطول العام
هنيجى بقه يا قمرات للحته اللى فوق الدبوس اللى هى باقى الورك ما يسمى (بالصفحه تقريبا)ههههههههههههه
هنعمل ايه؟ حسب الرغبه ممكن تتسلق وتتحمر اوووووووووووووووووو
تجهزى صينيه بطاطس من غير صلصه يعنى البطاطس والبصل والفراخ دى وملح وفلفل وبس
اخ اخ اخ اخ تحفه وهميه مع رز بشعريه حكايه خياليه وتحطى كمان القوانص والكبد معاهم بم قنبله
فكره حلوة قوى لرمضان ولطول العام
كده عملنا كام اكله من الفرخه 3 صح
لا غلط
فين الاجنحه وباقى الصدر اللى اتخلى وعملنا منه البانيه
هنخلى الاجنحه مع اى فتافيت اتهدرت فى الخلى ونجمعهم مع بعض ونجيب بصله مقطعه وفلفل اخضر ونشوحهم مع بعض ونقطع بطاطس مكعبات صغيره ومكعبات جزر وشويه فاصوليا على حبه بسله من المتخزنين فى الفريزر وةنحطهم فى صينيه صغيره فى الفرن ومعاهم عيش يتحمص كده شويه ونتعشى مكافاه لينا بعد الوقفه الحلوة دى
او نحطها فى سندوتشات زى كده
فكره حلوة قوى لرمضان ولطول العام
يبقى كده على عدد اسرتى انا اربع اكلات ميه ميه
طبعا كل واحده وعدد افراد اسرتها وبرده امكانيتها وظروفها
بس حبيت اوصلكم الفكره لانك على قد ما هتتعبى ساعتين على قد ما هترتاحى باقى الايام
وكمان مش بحب ابدا فكره فك الحاجه من التلج وتجهيزها تانى لانها بتدى فرصه لتكاثر البكتريا
لامن هنا ورايح الحاجه تتجهز وتتشال متبله وكمان بالقسماط بتاعها
تخرج من الفريزر على النار او على الحله بتغلى مباشره
ارجو اللى تستفاد من الموضوع تدعى لامى ولكل مريض بالشفا يارب
ومتنسوش التقييم يا قمرات
فى رعايه الله
| |
|
