كحك العيد على الطريقة المصرية

[size=24]المقادير:
كيلو دقيق
½ كيلو زبدة مذابة على النار
ملعقة كبيرة سمسم غير محمّص
ملعقة صغيرة ريحة كحك
كوب ماء دافئ للعجن
قطعة خميرة بيرة
رشة ملح

الطريقة:
1- انخلي الدقيق في وعاء واخلطيه مع رشة الملح، وبعدين اعملي فتحة في نصف الدقيق وحطّي فيها السمسم، وبعد كده ضيفي الزبدة في الفتحة دي تدريجيا مع التقليب باستخدام ملعقة خشبية، لغاية ما الدقيق يختلط تماما بالزبدة، وبعد كده سيبي الخليط يبرد شوية.

2- في الوقت ده دوّبي الخميرة مع ملعقة سكر وربع كوب ماء وسيبيها تخمر لحد ما يتضاعف حجمها.

3- بعد ما العجينة تبرد، ابدأي في خطوة البس؛ وهي إنك تفركي الدقيق كويس بكف إيدك لغاية لما تحسّي إن الدقيق كله تشرّب تماما بالزبدة.

4- بعد كده حطّي ريحة الكحك والخميرة وباقي كمية الماء تدريجيا، وبعد كده ابدأي لمّي العجينة من بره على جوه، مع الضغط عليها بكف الإيد، لغاية ما تحصلي على عجينة متماسكة تقدري تشكّليها كويس بإيدك، بس خلّي بالك ما تزوديش كمية الميه عن الكمية المكتوبة؛ لأن الميه بتخلّي الكحك يبقى ناشف.

5- غطّي العجينة بقطعة قماش نضيفة، وسيبيها تخمر لمدة ساعة، وبعد كده ابدأي قطّعيها قطع صغيرة، وشكّليها بقوالب الكحك ورصّيها في الصاجات أو الصواني بحيث إنهم يكونوا بعيد عن بعض، وسيبي الكحك شوية كمان في الصاج علشان يتخمر كويس، وبعد كده دخّلي الصاج في فرن متوسط الحرارة، وسيبيه لغاية ما الكحك يستوي ويبقى لونه دهبي، وبعدين طلّعيه، وعند التقديم رشّي على الوش سكر بودرة.

]

» طريقة عمل الحلويات المصرية , اسهل طريقة عمل الحلويات المصرية
» عامل يغتصب زوجة صديقه ويذبحها في ليلة العيد
» الكبة اللبنية على الطريقة اللبنانية
» جبت لكم النهرده الطريقة المظبوطه والمجربة من مطبخي للغريبة
» سماع أصوات انفجارات قوية برفح المصرية منذ قليل