ما هى المخمرية ؟؟
هى مصطلح خليجى وتعتمد على
الزيوت العطرية المختلفة فى رائحة كل عطر
وممكن تستخدمى كل زيت عطرى لوحده
او
ممكن تستخدمى عدة زيوت عطرية مع بعض
يعنى كانها زى كوكتيل زيوت عطرية والريحة بتجنن
ومش كده كمان
لأ
دى كمان بتثبت بطريقة فظيعة
وبيعملوها فى الخليج
لكل العرائس
للجسم وللشعر
ى
تدخلى المحل تقوليله عايزة مخمرية سواء للشعر او للجسم
مثل
ابراهيم القرشى
و
عبد الصمد القرشى
وبتبقى اسعارها غاليه
وعلى حسب حجم الزجاجة
لان كل حجم زجاجة تختلف عن الاخرى
من حيث السعر
السؤال
دلوقتى البنات
حتسأل نفسها
دلوقتى السعر غالى
ومش مقدرتى مثلا انى اشترى المخمرية دى
الجواب
مع خبيرة التجميل وئام حسان
فقط
حتعملى المخمرية دى بطريقة
سهلة جداا
وتكليفتها بسيطة جداااااااا
وبالزيوت العطرية اللى تعجبك كمان
وزى ما قلت من شويه ممكن تعمليها
بزيت عطرى واحد
او
بمجموعة زيوت عطرية مع بعض
يعنى
تضعى عدة زيوت عطرية فوق بعض
مثل كوكتيل زيوت عطرية
وكمان مش كده بس
لأ
الريحة ثابتة 100%
للجسم وللشعر
تعالوا نبتدى يالا ونقول بسم الله
مخمرية الجسم
نعومة
و
تفتيح
و
ريحة
تجنن
و
ثابتة
مكوناتها
علبة فازلين متوسطة او صغيرة يفضل من العطار وبيبقى الفازلين سايب عنده ولو مش لقتيه ينفع الطبى + زيت لوز مر + زيت عطرى + جلسرين
بالنسبة للزيت العطرى
فى زيت عطرى اسمه الالف زهرة ريحته تجنن ولسه جايباه انهرده من الراجل اللى بيركب العطور وفى زيوت عطرية عنده
بروائح برفانات وفاكهة و ورد وفل وياسمين
انا جبت انهردة زيت عطرى بروائح برفانات مثل كاسليا و ويك اند
بس لما تروحى للراجل بتاع تركيب العطور قوليله عايزة زيوت عطرية وقوليله عايزاها خام ومركزة لازم خام و مركزة عشان ممكن يدهالك مخففة بسبرتو
ولو انتى مش عايزة زيوت عطرية بروائح برفانات خدى المعلومة دى عندك عشان لو حببيتى اى زيت عطرى تجبيبه رائحته تختلف عن اللى قولتلك عليهم
ومعلومة هامة لكى بالنسبة للزيوت العطرية عموما
بتستخدمى الزيت العطرى ع جسم مندى بالماء ومش عليه اى اضافات ولا بتخففيه بحاجة بتستخدميه زى ماهو يا حبيباتى وانواع الزيوت اللى ممكن تستخدميها زيت (مسك ابيض / عود/ ورد/ ياسمين/فل/ فيه انواع زيوت عطرية بروائح برفانات زى عند ايفون واوريفلام وماى واى و الراجل الى بيركب العطور / فى زيوت بروائح الفاكهة مثل زيت الليمون / زيت المشمش / زيت برتقال ) بس انا بفضل المسك الابيض عشان رائحتة بتدووم اطول فترة ممكنة دى بعض اسماء الزيوت العطرية فى بروائح كتيير تختارى الرائحة اللى تعجبك وتستخدميها
** والزيوت العطرية الاصلية اللى عند ابراهيم وعبد الصمد القرشى حبيباتى وبتبقى باحجام مختلفة وكل حجم له سعره من اصغر حجم لاكبر حجم بس بفضل يكون العطر اصلى والزجاجة بتقعد عندك لشهور على حسب استخدامك لها
وفى عند الراجل اللى بيركب عطور زيوت عطرية بروائح فاكهه وفى بروائح
مثل العود والمسك الابيض وفى عنده زيت عطرى اسمه الوصال ريحته حلوة
لكن الريحة اللى تجنن بجد زيت عطر الالف زهرة
طريقة التحضير
تجيبى علبة الفازلين وتسيحى الفازلين عالنار هادئة
ولما يسيح تشيليه من عانار وتضعى
ملعقة كبيرة زيت لوز مر + ملعقة كبيرة جلسرين + زجاجة
الزيت العطرى اللى انتى اشترتيه واللى ريحته عجبتك ومش غالى لو حتجبيه من الراجل اللى بيركب العطور الزجاجة الصغيرة انا جايباها ب5 جنيه بس تجيبى الزيت العطرى الخام ومركز مش المخفف تقوللى للراجل اللى بيركب العطور كده
وبعد ما سيحتى الفازلين ووضعتى الزيوت العطرية عليه تقلبيه جيداوتضعيه فى علبه الفازلين اللى فاضتيها او اى علبة اخرى
شوية وحتلاقى الفازلين تماسك
طريقة الاستخدام
بعد ما تاخدى الشاور بتاعك العادى وجسمك مندى حتدهنى جسمك بالمخمرية دى
كل لما تيجى تاخدى شاور
وخدى عندك نعومة وتفتيح وريحة تحفة وجننى جوزك بريحتك اللى مش بتخلص
فوائد مكونات مخمرية الجسم
الفازلين والجلسرين يعطوا نعومة
زيت اللوز المر تفتيح و زيت العطرى ريحة تجنن
و ثابتة بفضل الفازلين
نصيحة هامة
مخمرية الجسم تعمليها
دووون التعرض للشمس
لا ن الجلسرين لو اتعرض للشمس يغمق ويسمر
وكمان الجلسرين لو استخدم لوحده حيغمق ويسمر
لكن لو اضيف ضمن اى مكونات حيعطى نتيجة مبهرة
جداااااااا
النصيحة دى بالنسبة لمخمرية الجسم فقط
ويا سلاااااااااااااااام لو حطيتى مخمرية الجسم
ع منطقة البكينى عالبشرة الخارجية للبكينى فقط
مقولكيش تحفة تستخدميها بعد ما تعملى تواليت وتنشفى كويس
مقولكيش عالنعومة والتفتيح والريحة الفظيعة اللى تجنن وثابته كمان
وجننى جوزك مش بس بريحة جسمك وشعرك لأ
كمان بريحة البكينى التحفة
ولو شميتى الاندر بتاعك والله حتلاقى ريحته فظيعة
وحلوة جداااااااااااااااااااااااااااااااااااااا
وامنة تماماااااااااا للبكينى
مخمرية الشعر
لمعان
و
ريحة
تجنن
و
ثابتة
نفس طريقة مخمرية الجسم
فى المكونات وطريقة التحضير
بالظبط
بس حتغيرى بدل
زيت اللوز المر
حتستخدمى
زيت اللوز الحلو
فقط
السؤال
مخمرية الجسم فيها جلسرين
وهو بينعم البشرة
كمان حتبقى فيها الجلسرين
من ضمن مكوناتها
فى مخمرية الشعر
الاجابة
اه نفس المكونات بالظبط
وحتقوليلى الجلسرين غلط للشعر ومضر
حقولك لأ مفيد جدا
والافادة
فوائد مكونات مخمرية الشعر
الفازلين لمعان للشعر
زيت اللوز الحلو لمعان وريحة حلوة
و زيت العطرى ريحة تجنن
و الجلسرين يساعد
عالترطيب الشعر مثل البلسم
و فرد الشعر خصوصا لو فى شعر يعانى من التجاعيد
اى انه مجعد بسبب جفاف الشعر
وممكن تعملى منه لوسيون للشعر ترشيه عالشعر بعد الشاور
حقولوه فى نهاية الموضوع بازن الله
طريقة استخدام مخمرية الشعر
بعد الشاور وشعرك مندى تضعى على يدك
شوية صغيرين اووى من مخمرية الشعر وتضعيهم
عالشعر نفسه وخاصة الاطراف مش كتيير حبة صغيرين اووى
كل لما تيجى تغسلى شعرك فقط
ملحوظة هااااااامة
مخمرية الجسم والشعر
توضع عالجسم وهو مندى بالماء
توضع عالشعر وهو مندى بالماء
فــقــط
هدية منى ليكم
لوسيون الجلسرين بالزيت العطرى
للشعر
الطريقة
تضعى الجلسرين وتخلطيه بالزيت العطرى
فقط وتضعيه فى علبة رشاش
ويستخدم عالشعر بعد الشاور فقط
والشعر مندى بالماء
موضوع: مخمرية الجسم والشعر من صنع يديكى 