الفينو والكايزر الفينو والكايزر

مقادير الفينو والكايزر دي بتعملك عدد (16) قطعة فينو حجم وسط
1/2 4 كوباية قياس دقيق فاخر منخول
1/2 كوباية زبدة طرية
2 معلقة عسل نحل
1 كوباية حليب سائل
1/2 1 معلقة طعام خميرة فورية
2 معلقة طعام سكر
2 بيضة
1 معلقة شاي ملح

معلقة العسل بتدي العجينة هشاشة طبيعة جميلة . لكن لو حبيتي الفينو يبقى زي الجاهز أوي حتحطي على كل المقدار 1 معلقة طعام محسن خبز
في البداية حنسخن مقدار الحليب على الخفيف جداً ونحط الخميرة عليه
ونقلب كويس علشان نتأكد اني الخميرة ذابت بشكل كويس
حنحط مقدار الدقيق كله في العجانة أو محضرة الطعام أو طبق للعجن بالايد .
وحنحط البيض والزبدة ومعلقة العسل
وحنحط الحليب الي دوبنا فيه الخميرة
على فكرة احنا مش محتاجين لأي مقدار ماية خالص خالص . علشان المقادير دي مظبوطة وحتدينا عجينة طرية ومتماسكة طرية جدا ولينة وبتمط زي اللبان
نعجن لمده 5 دقايق
حنحط العجينة على سطح مرشوش بشوية دقيق ونخدمها شوية يعني نلفها لفتين بأيدنا
حنستخدم صواني يا اما متبطنة بورق زبدة او مدهونة بشوية زيت نباتي على الخفيف ومرشوشة بدقيق خفيف
حنقطع العجينة حسب الحجم الي انتي عيزاه
نقطع العجينة زى ما نحب صوابع او كيزر مدور
ونحطهم في الصواني ونسيب مقدار 3سم بينهم
وحنغطيها بفوطة نظيفة ونسبيها في مكان دافي يا اما في الفرن
(والوقت الي الكايزر محتاجة للتخمير هو بين 2-3ساعة او حسب جو المطبخ الي عندك
لو كنتي من النوع الي بتسيبي العجينة بعد العجن تخمر. يبقى حتخمريها على مرتين بعد العجن سبيها تخمر ساعة وبعد كدة هبطيها وقطعيها وشكليها بعد كدة سيبها تخمر تاني لمدة ساعة ونص
بعد ما تخمر هندهنا بحليب مدوب فيه معلقة سكر صغيرة

لو حبيتي ممكن ترشي على الوش سمسم او حبة البركة
طريقة خبز الفينو والكايزر :-

- حنسخن الفرن على حرارة عالية شوية (180 درجة).
- ونحط الصواني في الرف الي تحت خالص .
- نسبيها لحد ما تنفش وحجمها يتضاعف كويس جداً والقعر يحمر.
- نولع الشواية ونحمر الوش . الفينو والكايزر الفينو والكايزر Span>g

الفينو والكايزر الفينو والكايزر 13196_135455743288319_1868693105_n