عدد المساهمات : 954 السٌّمعَة : 0 تاريخ التسجيل : 07/05/2013 العمر : 43 الموقع : فاكيها
موضوع: ازاي اعمل من بواقي الفراخ اكلات جديده الأحد سبتمبر 08, 2013 3:15 pm
ممكن تضيفي قطع الفراخ الباقية لصواني النجرسكو والأرز بالبشاميل ممكن تضيفي قطع الفراخ الباقية لصواني النجرسكو والأرز بالبشاميل
بواقي الفراخ دلوقتي هنشوف أكتر من طريقة ممكن نستخدم فيها بواقي الفراخ:
- اعملي بها سلطة.. ممكن تقطّعي بواقي الفراخ، وتضيفي عليها مكوّنات السلطة، وتعملي طبق سلطة خضراء بالفراخ، وتقدري كمان تضيفي قطع الفراخ على سلطة الكول سلو.
وممكن تعملي سلطة فراخ بإنك تضيفي عليها خليط من المايونيز وعصير الليمون والفلفل الأسود والكرفس واللوز المحمص.
- دخليها مع الصواني.. ممكن تستخدمي قطع الفراخ الباقية، وتضيفيها مع صواني النجرسكو والأرز بالبشاميل، وكمان تقدري تحطّيها على البيتزا أو تحشي بها السمبوسة.
- اعملي طاجن فراخ بلسان العصفور.. ممكن تشوّحي قطع الفراخ مع بصل مفروم، وتحطّي عليها لسان عصفور محمّر، وتقلّبيهم مع بعض، وبعد كده بتضيفي عليهم شوربة وعصير طماطم، وسيبيهم على النار لغاية ما يغلوا، وبعد كده حطّي كل المكوّنات دي في طاجن، وقطّعي على الوش شرائح طماطم ودخّليه الفرن.
- أبدعي بها مع البطاطس.. ممكن تفرمي قطع الفراخ المسلوقة الباقية عندك، وتشوّحيها مع شوية بصل، وتحشي بها البطاطس بدل اللحمة المفرومة، أو تقلّبيها مع البطاطس المهروسة، وتعملي من الخليط ده أقراص، وتغمّسيها في بيض مع ملح وفلفل، وبعد كده قلّبي الأقراص دي في البقسماط، وبعد كده اقليهم في الزيت.
- ضيفيها مع شوربة العدس.. طبعا هتستغربي أوي؛ لأننا مش متعوّدين إننا نضيف الفراخ مع العدس، لكن بجد لو جربتيه هتلاقي طعمه تحفة، لأن قطع الفراخ هتضيف نكهة حلوة وجديدة للعدس، وكمان هيبقى طبق متكامل ومغذّي جدا، وكل اللي عليكِ إنك تضيفي قطع الفراخ المسلوقة المتبقية عندك على شوربة العدس قبل ما تطفي عليها.
أم زيد مشرفه
عدد المساهمات : 115 السٌّمعَة : 0 تاريخ التسجيل : 21/06/2013 الموقع : منتدى فاكيها
موضوع: رد: ازاي اعمل من بواقي الفراخ اكلات جديده الثلاثاء سبتمبر 10, 2013 5:29 pm
موضوع: ازاي اعمل من بواقي الفراخ اكلات جديده 
