والصلاة والسلام على سيدنا محمد
حبايبى واخواتى فى احلى منتدى كل سنه وانتم طيبين وبخير
انا جايه النهاره احكى لكم عن تجربه شخصيه وجايبه معايا كنز ايوه
كنز فى منزلك قاهر الامراض
والكلمه دى شويه عليه
قال عنه حبيبى رسول الله صلى الله عليه وسلم
( كلو الثوم وتداوا به فان به شفاء من سبعين داء )
صدقت يا حبيبى يا رسول الله
والله يا بنات كنز فعلا كلنا غافلين عنه والكلام ده عن تجربه ويشهد عليا ربى
ممكن تستخدمى التوم فى العادى من غير مرض
اوسبب لانه واقى للجسم من الامراض الخطيرة
وبيمنع اكسدة الخلايا
انا كنت عايزه اخس واستعملت حاجات كتير زى زى كل واحده بيشغلها امر التخسيس
وجربت حاجات كتير وبالصدفه عرفت ان التوم بيخسس قلت اجربه وقلت لنفسى
هى جات على التوم يعنى اجربه هو كمان بس والله يا بنات ماكنت مصدقه واندهشت
من النتيجه وخسيت فعلا وياريت يا بنات من النهارده كلنا نستخدم التوم يوميا لانى
مع استعماله اكتشفت له فوائد كتير ممكن نقول انه قاهر للامراض
تعالو بقى اقول لكم انا استعملته ازاى انا بدات اخده للتخسيس كل يوم الصبح على الريق
تبدئى الاول بفص واحد اونص فص تقطعيه قطع صغيره وتاخديه بالماء زى الدواء دا يوميا وبعد 2|3
ايام تزودى عدد الفصوص 2/3/4 وممكن سته بس كفايه فى الاول لحد 3 فصوص
ولو انت مش بتحبى طعمه خديه مع الفاكهه ولازم تقطعيه صغير لانك لو بلعتيه سليم بيكون
فيه صعوبه فى هضمه وبيجبش نتيجه
بعد فترة اكتشفت انى خسيت ومش بس كده التوم شفانى من حاجات تانيه كتير منها الاميبا
اللى مغلبه الناس والاطفال راحت من عندى نهائيا
بعد التحليل وكمان بينظف البطن من الديدان
والسموم واصبحت لا اشتكى من بطنى ابدا فى اى شى وبينظم عملية الهضم وعملية الاخراج
يعنى عمرك ماييجى لك اسهال او امساك فاهمين طبعا
والثوم لازم تاخديه نى افضل ويكون على الريق صباحا وااكد تانى لازم تقطعيه قطع صغيرة
وكمان التوم نعم بشرتى ووشى وجسمى وبيبعد عنها الحبوب والبثور وكمان انا كان عندى زياده فى
افرازات الماده الشمعيه بالاذن نظمها والله يابنات كل ده بعد مااستعملته
وكمان خليت جوزى يستعمله لانه كان بيعانى من التهاب الاثنى عشر والقولون اللى بيالم
ناس كتير وكان فيه اكلات كتير مش بيقدر يا كلها علشان الالتهاب وكان ممنوع من اللبن ومنتجاته نهائى
والله يابنات بعد استعمال التوم كل ده اختفى والحمد لله دلوقتى بياكل كل حاجه وبيشرب لبن وبياكل زبادى
وعلى فكرة بعد فترة اكتشف انه خس هو كمان
انا طولت عليكم بس اعمل ايه الموضوع يستاهل انى اكتب عنه لانه عن تجربه وقلت لازم افيدكم
المهم يا قمرات قلت بقى مدام التوم خطير كده ووصانا عليه حبيبى رسول الله يبقى لازم ابحث وادور
واشوف مكوناته واسراره وفعلا بدات ابحث على النت عن التوم وفوائده لقيت له فوائد كتيره جدااااااا
بشاهدة العلماء وكمان اشتريت كتب عن التوم واحسن كتاب عجبنى هو كتاب التوم الشافى قاهر الامراض
واكتشفت له فوائد كتير فى شفاء اصعب الامراض
حاقول لكم عليها فى مواضيع تانيه
وكفايه انك تعرفى انه واقى للجسم من امراض خطيرة زى السرطان عافانا الله وعفاكم
على فكرة انا زرعت التوم عندى امام المنزل
من شدة اهتمامى بيه لان جوزى بيعرف فى زراعته
وبناكل منه الحمد لله
وان شاء الله اكتب لكم سلسلة مواضيع عن التوم واى سؤال انا تحت امركم
يارب تكونو استفدتم
اترككم فى رعاية الله لا اله الا الله
موضوع: كنز فى منزلك .. قاهر الامراض... 