عدد المساهمات : 954 السٌّمعَة : 0 تاريخ التسجيل : 07/05/2013 العمر : 43 الموقع : فاكيها
موضوع: كباب الحلة فى الفرن ,خدى فكرة و نفذيها بكرة الأحد يوليو 28, 2013 9:54 pm
دى صورة كده للطبق بتاع كباب الحلة فى الفرن
بصوا ياجماعه انا بموت فى اى حاجة تستوى فى الفرن ,فرحت اخدت الفكرة وقولت ليه كباب الحلة مايكملش سواه فى الفرن ,بس تغيير وقدمت معاها مكرونه محمرة على الطريقة الصعيدى "طريقة جدتى " مع السلطة الخضرا و سلطة الطحينة
بصلة كبيرة او 2 بصله متوسطين مقطعين شرايح 1 فلفل مكعبات 3 فص توم مفروم 1 جزرة مبشورة 1 ثمرة بطاطس لحمة "على حسب اعداد الاسرة " بهارات"ملح - فلفل اسمر-جنزبيل - 2 وحده عود قرفة -3 وحدات ورق لورا -شطة حمرا "ممكن تستغنى عنها "- 3 وحدات حبهان- بهارت مشكلة" معلقة سكر
ندخل على الطريقة ياحلوين يلا مستنين ايه بينا على المطبخ ,عشان تساعدونى طبعا فهمتوا غلط فى حلة ,نحط معلقة سمنة ونسيبها لحد ماتسخن ونحط فيها معلقة السكر لحد مالونها يبدا يدخل على البنى الفاتح
وبعدين اول مالون السكر يبقى اللون اللى عايوينة نحط البصل
نقلب البصل مع السكر تقلبتين وبعدين نحط عليه التوم والفلفل
ونستنى شوية مع التقليب لحد ماريحة التوم تتطلع , بعدها نحط التوابل ماعدا الملح ,ونقلب لحد مانشم ريحة التوابل
بعد ما اطلقنا كل النكهات اللى عندنا نحط اللحمة تتشوح مع البهارات وتاخد كمان صدمة عشان الانسجة بتاعتها تقفل ,وكل قيمتها الغذائية ماتفقدش
ولما اللحمة تتشوح نحط عليها الجزر ملحوظة "فكرة الجزر دى انا عرفتها من البليغة ام زيد(ربنا يكرمها)هى اللى حببتنى وفيه وفعلا يابنات بيدى اللحمة طعه حلو وعمرك ماتشمى ليها اى ريحة زفرة وهى بتتعمل"
ونقلب فيها لحد ماتتشوح جامد ونكون محضرين مياه بتغلى ونحط عليها تاخد غلوة على النار فى الوقت ده نسخن الفرن كمان
وبعدين نيجى فى صنية نقطع البطاطس مكعبات او شرايح زى ماتحبى
ملوحظة كده على الماشى البطاطس كانت خلصت ودى كانت اخر واحده عندى ههههههههههههههه بس خليها فى سركم كده
الموهيم نرجع تانى للمطبخ
نروح حاطين اللحمة بالميه اللى غليت بيها على البطاطس ونغطيها بفويل وعلى الفرن الشخن
بعد حوالى ساعة ونص شيلت ورقة الفويل من على الصنية وبقت كده
وبعدين خليتها تكمل سوا من غير فويل وانا مشغله الشواية مع الفرنت من تحت لو انتى فرنك بيشغل الشواية لوحدها يبقى خليها تكمل سوا وبعدين شغلى الشواية عليها
موضوع: كباب الحلة فى الفرن ,خدى فكرة و نفذيها بكرة 
